16

وزیراعظم کی رہائشگاہ کے باہر اساتذہ کا احتجاج، پولیس کی شیلنگ، گرفتاریاں

احتجاج کرنے اور دھرنا دینے والے اساتذہ کو منتشر کرنے کے لیے پولیس نے آنسو گیس کی شیلنگ کی۔ پولیس نے احتجاج کرنے والے کئی اساتذہ کو گرفتار بھی کرلیا۔

احتجاج کرنے والے اساتذہ کا کہنا تھا کہ 2014 میں این ٹی ایس امتحان پاس کرنے والے اساتذہ کو مستقل نہیں کیا جا رہا ہے۔ ہماری تعیناتی 2014 میں ہوئی اور پرانے طریقہ کار کے تحت ہی غیرمشروط طور پر مستقل کیا جائے۔ حکومت ہمیں مستقل کرنے کی بجائے نکالنا چاہتی ہے۔

مزید پڑھیں: ترمیمی آرڈیننس کے خلاف اساتذہ میدان میں آ گئے

اس سے قبل پنجاب بھر سے اساتذہ کی ایک بڑی تعداد کورنگ چوک کے قریب اکٹھے ہوئے۔ اساتذہ نے کورنگ چوک سے بنی گالہ تک ریلی نکالی اور وزیراعظم کی رہائش گاہ کے باہر دھرنا دیا۔

اسلام آباد کی ضلعی انتظامیہ نے مظاہرین کو احتجاج اور دھرنے سے روکنے  کیلئے پولیس کی بھاری نفری تعینات کردی تھی۔ پولیس نے وزیراعظم کی رہائش گاہ کی جانب جانے والا راستہ سیل کردیا۔

احتجاج کرنے والے اساتذہ کی نمائندہ تنظیم سیکنڈری ٹیچرز الائنس کے نمائندوں کا کہنا ہے کہ بنی گالہ میں ان کا احتجاج اس وقت تک جاری رہے گا جاری رہے گا جب تک انہیں مستقل نہیں کیا جاتا ہے۔

اس خبر پر اپنی رائے کا اظہار کریں

اپنا تبصرہ بھیجیں