15

قومی کرکٹ ٹیم کے کپتان بابر اعظم کے خلاف مقدمہ درج کرنیکا حکم

ہم نیوز کے مطابق لاہور کی سیشن عدالت کے ایڈیشنل سیشن جج نے مقامی خاتون حامیزہ مختار کی درخواست پرسماعت کی۔ دوران سماعت ایف آئی اے سائبر کرائمز ونگ نے اپنی رپورٹ عدالت میں پیش کی۔

پیش کی جانے والی رپورٹ میں کہا گیا کہ حامیزہ مختار نے بابراعظم کے خلاف دھمکانے اور بلیک میل کرنے سے متعلق درخواست دی تھی جس پر بابر اعظم کو انکوائری کے لیے طلب کیا تھا لیکن ان کی جگہ ان کے بھائی فیصل اعظم پیش ہوئے تھے۔

ہم نیوز کے مطابق رپورٹ میں کہا گیا ہے کہ فیصل اعظم نے بابراعظم کے پیش ہونے کے لیے مہلت طلب کی تھی لیکن بابر اعظم ابھی تک انکوائری میں شریک نہیں ہوئے ہیں اور نہ ہی انہوں نے اپنا بیان ریکارڈ کرایا ہے۔

رپورٹ کے مطابق بابر اعظم کا پیش نہ ہونا ان کے قصوروار ہونے کو ظاہر کرتا ہے۔

لاہور کی سیشن عدالت نے ایف آئی اے کو قومی کرکٹ ٹیم کے کپتان بابر اعظم کے خلاف مقدمہ درج کر کے قانون کے مطابق کارروائی کا حکم دیا ہے۔

اس خبر پر اپنی رائے کا اظہار کریں

اپنا تبصرہ بھیجیں